Кличко ЕЧЛ финали бўйича тахмин билдирди

Киев мэри Виталий Кличко «Ливерпуль» ва «Реал Мадрид» ўртасидаги Чемпионлар лигаси финал ўйинида дуранг бўлишини тахмин қилди. Собиқ боксчининг сўзлари УЕФА расмий сайтида келтирилган.

«Дуранг бўлади - 3:3. Голлардан баҳраманд бўлиш имконияти аниқ бўлади», - деган украиналик сиёсатчи.

Аввалроқ, Киев шаҳри мэри Виталий Кличко «Реал»нинг 2000дан ошиқ мухлиси ЕЧЛ финали учун чипталарни қайтариб бергани ҳақидаги маълумотни ёлғон, деб атаганди.  

Учрашув Киевдаги «Олимпийский» стадионида бугун Тошкент вақти билан соат 23:45да бошланади. Ҳал қилувчи беллашувда Мадриднинг «Реал» ва Англиянинг «Ливерпуль» клублари тўқнашади. Регламентга кўра, учрашув дуранг натижа билан тугаши мумкин эмас. Агарда асосий вақтнинг 90 дақиқаси давомида ғолиб номи аниқланмаса, жамоалар 15 дақиқадан яна икки бўлим тўп суради. Агар 120 дақиқадан кейин ҳам жамоалар ўртасида тенглик кузатилса, ғолиб пенальтилар сериясида аниқландаи. ЕЧЛнинг амалдаги ғолиби - Мадриднинг «Реал»и.