ОАВ: Мэй Трампга шаҳардан ташқарида учрашишни таклиф қилади

Буюк Британия бош вазири Тереза Мэй АҚШ президенти Дональд Трампни ташрифи вақтида ўзи билан шаҳардан ташқаридаги қароргоҳда учрашишга кўндирмоқчи.

Бунга Лондонда АҚШ президентига қарши йўналтирилган норозилик намойишларига тайёргарлик кўрилаётгани сабаб бўлди, деб ёзяпти The Sun. Газета маълумотларига кўра, намойишларда ўн мингга яқин бриталиялик иштирок этиш хоҳишини билдирган.

Мэйнинг таклифи Оқ уйга АҚШдаги элчи Ким Даррок томонидан етказилади.

Шу тариқа, АҚШ президентига Лондондаги диққатга сазовор жойларнинг ўрнига бош вазирлар қароргоҳи Чекерс, Виндзор қасри ва Бленхейм саройига ташриф буюриш таклиф қилинади.

Эслатиб ўтамиз, аввалроқ Трамп Британияга 13 июль куни ташриф билан келиши ҳақида хабарлар тарқалганди.