Жанубий Корея президенти Мун Чжэ Ин АҚШ президенти Дональд Трамп ва КХДР етакчиси Ким Чен Иннинг учрашувида иштирок этиши мумкин. Бу Вашингтон ҳамда Пхеньян шу ҳақда келиша олса рўй беради, деб хабар қилмоқда «Рёнхап» агентлиги юқори мансабли амалдорга асосан.
12 июнь куни Сингапурда бўлиб ўтиши мўлжалланган учрашув ҳамон сўроқ остида турибди. Агарда АҚШ ва КХДР унинг ўтказилишини якуний тарзда тасдиқласа, унда Мун Чжэ Ин ҳам учрашувда иштирок этиши мумкин бўлади.
«Муҳокамалар энди бошланди, шунинг учун у нималарга олиб келишини кутмоқдамиз. Жанубий Корея президенти Трамп ва Ким Чен Инга Сингапурда қўшилиши мумкин. Бу муҳокамалар якуни қандай бўлишига боғлиқдир», - дея айтиб ўтди манба.
Эслатиб ўтамиз, аввалроқ Трамп КХДР билан музокаралар муддатига аниқлик киритганди.
