Tramp KXDR bilan muzokaralar muddatiga aniqlik kiritdi

AQSh prezidenti Donald Trampning ma'lum qilishicha, Vashington KXDR bilan samarali muzokaralar olib bormoqda. Shuningdek, uning qo‘shimcha qilishicha, sammit kerak bo‘lgan taqdirda uzaytiriladi. Bu haqda u tvitterdagi sahifasida yozgan.

«Biz Shimoliy Koreya bilan sammitni o‘tkazishga qaytish borasida juda samarali muzokaralar olib bormoqdamiz, u, agarda hammasi ko‘ngildagidek kechsa, Singapurda o‘sha kuni, 12 iyunda bo‘lib o‘tadi, hamda, lozim topilsa, uzaytiriladi», - deya yozgan u.

Avvalroq, Donald Tramp AQSh ma'muriyati Shimoliy Koreya bilan muloqotni qayta yo‘lga qo‘yish haqida qaror qabul qilganini bildirgandi. Shuningdek, uning xabar berishicha, shimoliy koreyalik yetakchi bilan avval bekor qilingan uchrashuv hali ham o‘tkazilishi mumkin.

Eslatib o‘tamiz, bundan avval Tramp Kim Chen In sammitni o‘zidan oldin bekor qilishidan xavfsiragani haqida xabarlar tarqalgandi.