Хитой ШҲТ давлатлари билан мудофаа соҳасида ҳамкорликни ривожлантиришга тайёр 

Хитой янги таҳдидлар ва чақириқларга қарши биргаликда курашиш имкониятларини ошириш учун Шанхай ҳамкорлик ташкилотига аъзо давлатлар билан биргаликдаги ишни ривожлантиришга тайёр. Бу ҳақда Хитой мудофаа вазирлиги расмий вакили Жэнь Гоцян маълум қилди. 

“Хитой ШҲТга аъзо давлатлар билан ўзаро ишонч ва ўзаро манфаат асосида хавфсизлик соҳасида ҳамкорлик қилиш, ҳамкорликни чуқурлаштириш, минтақада тинчлик ва барқарорликни қўллаб-қувватлашни давом эттиришга тайёр”, деб айтган Гоцян. 

Гоцян хавфсизлик соҳасида ҳамкорлик ШҲТ доирасида ўзаро ҳаракатланишнинг муҳим соҳаси ҳисобланишини ва у охирги йилларда самарали бўлгани, ҳамкорликнинг кўп сонли механизмлари доимо такомиллашиб бораётганини таъкидлаб ўтган.