100 фоиз пенсия олувчи ходимлар: ИИВ лицейлари ўқитувчилари рўйхатга қўшилди

Президентнинг 1.06.2018 йилдаги ПФ–5454-сон фармони билан президентнинг 17.02.2017 йилдаги «Ўзбекистон Республикаси Қуролли Кучлари пенсионерларини ижтимоий ҳимоя қилишни янада такомиллаштириш чора-тадбирлари тўғрисида»ги ПФ–4960-сон фармонига ўзгартириш ва қўшимчалар киритилди.

Norma’нинг ёзишича, 1.06.2018 йилдан бошлаб ИИВ академик лицейларининг соҳа фанлари ўқитувчилари сифатида меҳнат фаолиятини амалга ошираётган ички ишлар органлари ходимлари сирасидан бўлган пенсионерларга пенсия тўлиқ миқдорда тўланади.
 
Ҳарбий хизматчилар ва ҳуқуқни муҳофаза қилувчи органларнинг ходимларига тўлиқ пенсия тўланиши билан боғлиқ бошқа ҳолатларда бўлгани сингари, фақат кўрсатилган фаолият пенсионернинг ягона иш жойи ҳисобланса, унга 100 фоиз пенсия тўланади.  
 
Ҳужжат 1.06.2018 йилдан кучга кирди.