Президент раислигида видеоселектор бўлиб ўтмоқда

Бугун, 5 июнь куни Ўзбекистон Республикаси президенти Шавкат Мирзиёев раҳбарлигида видеоселектор йиғилиши бўлиб ўтмоқда. Бу ҳақда Kun.uz мухбири хабар берди.

Йиғилиш кун тартибида ҳудудларда бюджетга қўшимча даромадларни сафарбар қилиш, бу борада белгиланган вазифалар ижросини таъминлашда Қорақалпоғистон Республикаси, вилоятлар, Тошкент шаҳри ҳамда шаҳарлар ва туманлар маҳаллий ижро ҳокимият органлари, солиқ ва молия идоралари раҳбарларининг шахсий масъулияти ва жавобгарлиги, шунингдек, республика ҳудудларида инфляциянинг олдини олиш, чорва ва бошқа қишлоқ хўжалиги озиқ-овқат маҳсулотлари ишлаб чиқаришни кўпайтириш орқали нархлар барқарорлигини таъминлашда ҳудудлар ва тармоқлар раҳбарлари томонидан амалга оширилаётган чора-тадбирлар муҳокама қилинади.