Трамп Канадани Оқ уйга ўт қўйганликда айблади

Америка Қўшма Штатлари президенти Дональд Трамп 25 май куни Канада бош вазири Жастин Трюдо билан телефон орқали суҳбат чоғида, мамлакатни 1814 йилда Оқ уйга ўт қўйганликда айблади. Бу ҳақда чоршанба куни CNN телеканали манбага асосан хабар берди.

ТАСС’га кўра, Трюдо Трампнинг АҚШ пўлат ва алюминийга божларни миллий хавфсизлик манфаатларини ҳимоя қилиш жорий этгани ҳақидаги сўзларини танқид қилган. Бунга жавобан Трамп «Оқ уйни сизлар ёқиб юбормаганмидингиз?», деб сўраган.

Давлат раҳбари 1812-1815 йиллардаги Англия-Америка урушини эслатган, унинг давомида инглизлар ҳукуматнинг бир қатор биноларини, шу жумладан, Оқ уй ва Капитолийни ёқиб юборган. Ўша пайтда Канада Британия колонияси бўлган.

Эслатиб ўтамиз, аввалроқ Bloomberg Трамп даҳолар учун эшикни ёпаётгани ҳақида хабар берганди.