Афғонистон пойтахти Кобулда худкуш томонидан амалга оширилган портлаш оқибатида 12 киши ҳалок бўлди, 30 дан кўпроқ одам яраланди. Бу ҳақда Tolo News телеканали хабар берди.
Маълумотларга кўра, террорчи Кобулнинг Доруломон туманида маҳаллий вақт билан соат 13ларда шаҳарларни тиклаш ва мамлакатни ривожлантириш вазирлиги биноси яқинида ўзини портлатган.
Дастлабки маълумотларга кўра, портлаш вақтида вазирлик ходимлари бинони тарк этаётган бўлганлар.