Оқ уй Трамп ва Ким Чен Ин учрашуви тафсилотларини ошкор қилди

Фото: AP/Ahn Young-joon

АҚШ президенти Дональд Трамп ва Шимолий Корея етакчиси Ким Чен Иннинг саммити уларнинг шахсий суҳбати билан бошланади, унда фақат давлат раҳбарларининг расмий таржимонлари бўлади. Бу ҳақда Оқ уй томонидан эълон қилинган хабарда айтилади.

«Президент Дональд Трамп Шимолий Корея етакчиси Ким Чен Ин билан эртага эрталаб соат 9.00 (Тошкент вақти билан 6.00)да учрашади. Саломлашишдан сўнг, президент Трамп ва раис Ким яккама-якка учрашув ўтказади, унда фақат таржимонлар бўлади, кейин кенгайтирилган таркибда икки томонлама учрашув ва амалий тушлик ташкил этилади», - дейилади ҳужжат матнида.

Шунингдек, АҚШ маъмуриятидан таъкидлашларича, Қўшма Штатлар президенти саммитдан сўнг матбуот анжуманида қатнашади, кейин самолётда АҚШга қайтиб кетади.

Эслатиб ўтамиз, аввалроқ Ким Чен Ин Трампга таклиф билан чиққани айтилганди.

Тайёрлаган: Отабек Матназаров

#Ким Чен Ин #Дональд Трамп