Давлат Тошкентдаги иккита стоматология клиникасини сотмоқда

Фото: privatization.gkk.uz

Давлат рақобат қўмитаси маълумотларига кўра, давлат Тошкентдаги иккита стоматология клиникасини сотмоқда.

«Тошкент шаҳар 2-сон стоматология поликлиникаси» давлат унитар корхонаси ва «4-стоматология поликлиникаси» давлат унитар корхонаси бино ҳамда иншоотлари сотувга қўйилган, деб ёзмоқда Spot.

Биринчи объект Олмазор тумани, Қорақамиш мавзеси 2/4да жойлашган. Эгалланган майдон - 0,40 гектар, биноларнинг майдони - 1,4 минг квадрат метр. Нархи 6,5 млрд сўмни ташкил этади.

Иккинчи объект эса Яшнобод тумани Каримов кўчасида жойлашган. Эгалланган майдон 0,14 га, бинолар майдони - 1 минг квадрат метр. Нархи - 4,9 млрд сўм.