Ким Чен Ин Путинга табрик йўллади

Шимолий Корея етакчиси Ким Чен Ин Россия президенти Владимир Путинни Россия Куни билан табриклади. Табрик матни Корея Марказий телеграф агентлиги томонидан эълон қилинган.

Таъкидланишича, Ким Чен Ин россияликларга фаровонлик ва яхши ҳаёт, Путинга эса - масъулиятли ишида муваффақиятлар тилаган.

«Россия халқи Путиннинг раҳбарлиги остида кучли Россияни қуришда муваффақиятга эришди, улар барча чақириқлар ва қийинчиликларни енгиб ўтишди», - дейилади баёнотда.

Шунингдек, КХДР етакчисининг ишонч билдиришича, мамлакатлар ўртасидаги муносабатларни янада мустаҳкамлаш тарафдори.

Эслатиб ўтамиз, аввалроқ Россиянинг АҚШ ва КХДР саммитига таъсир кўрсатиши мумкинлиги айтилганди.