Украина Британияга Россия тажовузкорлигига қарши курашиш бўйича таклиф билан чиқди
Украина Олий радаси спикери Андрей Парубий Буюк Британияга ташрифи вақтида ушбу давлат ҳукуматига «Россиянинг гибридли тажовузкорлигига» қарши курашиш мақсадида парламентлараро гуруҳ ташкил этишни таклиф қилди. Бу ҳақда сиёсатчи твиттердаги саҳифасида ёзган.
«Буюк Британия парламентининг Вакиллар палатаси хорижий ишлар бўйича қўмита раиси Том Тугендхатга Россия гибридли тажовузкорлигига қарши курашиш учун парламентлараро гуруҳ ташкил этишни таклиф қилдим. Хусусан, бу ёлғон ахборотлар тарқатиш билан курашиш учун керак», - дея ёзган Парубий.
Шунингдек, унинг маълум қилишича, Британия мудофаа вазири Марк Ланкастерга Украинага берилган ёрдам учун миннатдорлик изҳор қилган. Хусусан, у Ланкестерга «Россия тажовузкорлигига» қарши курашаётган украиналик ҳарбийларни ўқитишда иштирок этганлик учун миннатдорлик билдирди.
Эслатиб ўтамиз, аввалроқ украиналик депутат Россияни қандай қилиб мағлуб этиш мумкинлигини айтганди.
Мавзуга оид
10:50
Суриштирув: БР украиналик болаларни ҳарбийлаштиришга алоқадор
09:50
АҚШ Украина узра Россия ракеталарини уриб туширишдан бош тортганига изоҳ берди
08:30
Столтенберг: Украина уруш тугагунига қадар НАТОга қабул қилиниши мумкин
01:19