Ироқ ҳаво амалиётлари бўйича баёнот билан чиқди

Фото: Khalid Mohammed/AP

Ироқ Ташқи ишлар вазирлиги ИШИД билан кураш ҳудудида амалга оширилаётган исталган ҳаво амалиётларини қораловчи баёнот билан чиқди. Бу ҳақда Reuters хабар бермоқда.

Вазирлик «ИШИД билан кураш рўй бераётган туманларда амалиётни амалга ошираётган исталган ҳаво кучлари қораланиши, бунда Ироқ ёки Сурия ҳудуди экани ҳеч қандай аҳамият касб этмаслигини» билдирди.

Баёнотда барча мамлакатларга экстремистик гуруҳларга қарши биргаликда курашиш бўйича чақириқ бор. Ироқ ТИВ халқаро коалиция террорчилар билан курашаётган кучлар билан мувофиқлашган ҳолда ҳаракат қилиши лозимлигини таъкидлаб ўтди.

Эслатиб ўтамиз, аввалроқ Сурия ОАВ АҚШ коалицияси авиазарбаси ҳақида хабар берганди.