Бразилия терма жамоаси аъзоси Неймар жарроҳлик амалиёти ўтказилган ўнг оёғида оғриқ сезмоқда.
Спорт-Экспресс хабарига кўра, у бугунги машғулот бошланганидан 5 дақиқа ўтиб физиотерапевт ҳамроҳлигида майдондан чиқиб кетган.
У Швейцарияга қарши ўйиндан кейинги илк машғулотда ҳам иштирок этмаганди.
Хабар қилинишича, у эртага машғулотни давом эттиради.
Бразилия E гуруҳида иштирок этмоқда. Биринчи турда швейцарларни мағлуб эта олмаган «пентакампеонлар» 22 июнь куни Санкт-Петербургда Коста-Рикага қарши ўйнайди, гуруҳ босқичининг учинчи учрашуви 27 июнь куни Москвада «Спартак» ўйингоҳида Сербияга қарши ўтказилади.
Эслатиб ўтамиз, Неймар февраль ойи охирида Франция чемпионатида «Марсель»га қарши ўйинда жиддий жароҳат олган, 3 март куни тиззасидан операция қилинган ва мавсумнинг қолган қисмини ўтказиб юборганди.
