Фото: REUTERS
Евроиттифоқ Россияни 2014 йилда Украина осмонида қулаган Малайзиянинг MH17 рейсидаги Boeing самолёти ҳалокати учун жавобгарликни тан олишга чақирди. Бу ҳақда РИА «Новости» хабар бермоқда.
Таъкидланишича, Европа кенгаши БМТ Хавфсизлик кенгашининг MH17 рейси ҳалокати бўйича 2166-сонли резолюциясини бутунлай қўллаб-қувватлади.
«У (Европа кенгаши) Россия Федерациясини ўз жавобгарлигини тан олиш ва ҳақиқат, адолатни ўрнатиш бўйича барча саъй-ҳаракатларни кўриш ҳисобидан тўла ҳамкорлик қилишга чақиради», - дейилади баёнот матнида.
Эслатиб ўтамиз, аввалроқ Россиянинг Гаагадаги элчихонаси ёнида 298та бўш курси ўрнатиб қўйилгани хабар берилганди.
