MH17 fojiasi. Rossiyaning Gaagadagi elchixonasi yonida 298ta bo‘sh kursi o‘rnatildi

Rossiyaning Gaagadagi elchixonasi yonida 298ta bo‘sh kursi o‘rnatib qo‘yildi. Bu haqdagi tegishli fotosurat ijtimoiy tarmoqlarda e'lon qilindi.

Qayd etilishicha, shu tariqa Ukraina osmonida 2014 yilda urib tushirilgan «Boing» yo‘lovchilari yaqinlari o‘zlarining noroziliklarini bildirishgan.

Joriy yilning 25 may kuni Niderlandiya va Avstraliya hukumati Rossiyani Malayziyaning Boeing MH17 layneri halokatida rasman ayblagandi. Ta'kidlanishicha, Rossiya samolyotning qulashiga aloqador ekanini rad etib kelayotgan bo‘lsa-da, Niderlandiya va Avstraliya hukumati aynan Rossiya ro‘y bergan halokatga mas'ul ekaniga ishonchi komil.

Rossiya prezidenti matbuot kotibi Dmitriy Peskov esa, Vladimir Putin xalqaro tergov guruhining Malayziya Boeing’i halokati bo‘yicha xulosalarini hali o‘rganib chiqmaganini aytgandi.

Shuningdek, YeXHTning maxsus monitoring missiyasi ishtirokchilari 2014 yil iyul oyida Donetsk uzra osmonda urib tushirilgan Malayziyaning Boeing 777 halokatini surishtiruvdan o‘tkazish jarayonida ishtirok etishmayotgani xabar qilindi.

Niderlandiya Ukraina va «Malayziya aviayo‘nalishlari»ni MH17 uchun javobgarlikka tortishdan bosh tortgandi.