Афғонистон президенти «Толибон» билан вақтинчалик сулҳ тугаганини эълон қилди

Фото: AP/ Rahmat Gul

Афғонистон президенти Ашраф Ғани «Толибон» радикал гуруҳи билан вақтинчалик сулҳ ўз якунига етгани ҳақида маълум қилди. Бу ҳақда TOLOnews хабар бермоқда.

«Президент Ғанининг маълум қилишича, ўт очишни тўхтатиш режими тугади, ҳамда хавфсизлик кучлари амалиётларни давом эттиради. Унинг таъкидлашича, «Толибон»нинг кўплаб аъзолари тинчликни хоҳлайди ва вақтинчалик сулҳ «Толибон» урушдан чарчаганини исботлади», - дейилади телеканал хабарида.

Давлат раҳбарининг сўзларига кўра, ҳукумат жангарилар учун хавфсизлик ҳудудларини яратиш ёки ҳудудларни кимгадир беришни истамайди. Ғанининг таъкидлашича, ҳукумат «Толибон»ни сиёсий гуруҳга айлантирмоқчи.

Эслатиб ўтамиз, аввалроқ Афғонистон ИИВ раҳбари «Толибон» аъзолари билан учрашганди.

Тайёрлаган: Отабек Матназаров

#Афғонистон #Толибон #Ашраф Ғани