Сократис «Арсенал» футболчисига айланди

Фото: Fc Arsenal

«Боруссия» Д клубининг марказий ҳимоячиси Сократис Папастатопулос Лондоннинг «Арсенал» клубига ўтди.

«Қуролсозлар» 30 ёшли футболчи трансфери учун 19 миллион евро тўладилар.

Сократис Грециянинг АЕК клуби тарбияланувчиси ҳисобланади. У фаолияти давомида «Ники Волос», «Женоа», «Милан» ва «Вердер» клубларида ҳам ўйнаган.

Папастатопулос «қовоғарилар» сафида 198та ўйин ўтказиб, 10та гол урган ва 2 та голга ҳаммуаллифлик қилган. Шунингдек, Греция терма жамоаси сафида 79та ўйинда майдонга тушган.