Эквадорда собиқ президентни ҳибсга олишга ордер берилди

Фото: REUTERS

Эквадор суди мамлакатнинг собиқ президенти Рафаэл Корреани ҳибсга олиш ҳақида қарор қабул қилди.

Тегишли қарор прокуратура талаби билан судья Даниэлла Камачо томонидан қабул қилинди. Судья Корреани ушлаш ва экстрадиция қилиш ҳақида Интерполни хабардор қилишни сўраган.

Айни вақтда Корреа Бельгияда қолмоқда. Июнь ўрталарида у Эквадорда собиқ депутат Фернандо Бальдани ўғирлаш иши бўйича суд жараёнига жалб қилинганди. Корреа ўзини суд жараёнига бирор-бир исботсиз жалб қилинган, деб ҳисобламоқда.