Ким Чен Ин биринчи марта АҚШ давлат котибини қабул қилмади

AP / Ahn Young-joon

АҚШ давлат котиби Майк Помпеонинг Шимолий Кореяга учинчи ташрифи аввалги ташрифлари каби кўтаринкиликда ўтмади.

Биринчидан, АҚШ томони Помпеонинг аввал у билан икки марта учрашган Ким Чен Ин билан навбатдаги марта учрашишини эълон қилганди. Бироқ учрашув бўлиб ўтмаган.

Иккинчидан, Помпео икки кунлик музокаралар яхши ўтганини айтган бир пайтда Шимолий Корея учрашув натижаларидан афсусланиш ва қониқмаганлик билдирган.

Оқ уй Помпеонинг Шимолий Кореяга ташриф буюришини эълон қилганда у Ким Чен Ин ва унинг жамоаси билан учрашгани кетаётгани айтилган. Помпео бунгача икки марта Ким Чен Ин билан учрашишга муваффақ бўлгани сабабли бу ғайритабиий нарсадек янграмаганди.