ИИВ марказий аппаратида янги раҳбарлар тайинланди

Ўзбекистон Ички ишлар вазирлиги марказий аппарати тизимларида раҳбарлик лавозимларига тайинланди. Бу ҳақда ИИВ сайтида хабар қилинган.

Майор Жаҳонгир Исмоилович Сафаров Юридик таъминлаш бошқармаси бошлиғи бўлди.

Майор Абдурашид Маҳмудович Алишеров Хавфсиз туризмни таъминлашни мувофиқлаштириш бошқармаси бошлиғи лавозимига тайинланди.

Полковник Нуриддин Соатмуродович Нарматов эса ИИВ Ёнғин хавфсизлиги институти бошлиғи сифатида фаолиятини давом эттиради.