Лавров: Ғарбнинг Россияга нисбатан сиёсати далилларга асосланмаган

Фото: Flickr

Ғарб давлатларининг Россияга нисбатан сиёсати ҳеч қандай исботларга эга бўлмаган ифодаларга асосланади. Мисол тариқасида Россия ТИВ раҳбари Сергей Лавров «Скрипаллар иши» ва РФнинг Америкадаги президентлик сайловларига аралашувини келтирди.

Унинг сўзларига кўра, бу суриштирувларда шаффофликдан асар ҳам йўқ.

«Афтидан, эндиликда ғарблик дўстларимизнинг сиёсати «эҳтимоли жуда юқори» каби ифодалар ва «бошқа ишонарли тушунтириш йўқ» каби таъкидларга асосланмоқда», деган вазир RT каналига берган интервьюсида.