Божлар жанги. Трамп 500 млрд долларлик қадамга тайёр турибди

Фото: AFP

АҚШ президенти Дональд Трампнинг маълум қилишича, ХХР товарларига қиймати 500 млрд доллар бўлган божлар жорий этишга тайёр турибди. Бу ҳақда CNBC хабар берган.

«Мен 500 млрд долларлик қадамни қўйишга тайёр турибман», - деди Трамп.

Таъкидланишича, сўнгги бир йил ичида Хитой товарларининг АҚШга импорти 505,5 млрд долларга баҳоланмоқда.

Аввалроқ, Хитой Жаҳон савдо ташкилотига мурожаат билан чиққани хабар қилинганди. Бу АҚШ Хитой товарларига 200 млрд долларлик қўшимча божлар жорий этиш ниятида экани туфайли юз бергани айтилади.

Маълум бўлишича, АҚШ президенти маъмурияти Хитойдан товарларга қиймати 200 млрд доллар бўлган янги божлар жорий этишга қарор қилди. ОАВ маълумотларига кўра, Оқ уй Америка товарларига 25 фоизлик божлар жорий этган Хитойнинг ҳаракатларига жавобан буни амалга оширади.