Туркия ва Нидерландия дипломатик алоқаларни тиклади

Фото: pixabay

Туркия ва Нидерландия ўзаро дипломатик алоқаларни тиклашга қарор қилди.

Туркия ташқи ишлар вазири нидерландиялик ҳамкасбидан мактуб олгандан кейин унга қўнғироқ қилган. Телефон суҳбати давомида вазирлар дипломатик алоқаларни нормаллаштиришга ва шу муносабат билан яқин орада элчиларини юборишга келишиб олишган. Шунингдек, Нидерландия ташқи ишлар вазири 2018 йилнинг 2-ярмида Туркияга ташриф буради.

Икки давлат ўртасидаги муносабатлар 2017 йил мартида Туркия ташқи ишлар вазири Мавлут Човушўғлунинг Нидерландияга сафари бекор қилингандан кейин ёмонлашган. Човушўғлу Роттердамда туркиялик фуқароларга Туркия конституциясига киритилган тузатмалар ҳақида маълумот бериш мақсадида намойишда иштирок этиши режалаштирилганди.

Бундан ташқари, намойишда иштирок этишга Туркиянинг оила ишлари вазири қўйилмаган. Туркия президенти Ражаб Тойииб Эрдўған бунга қарши чоралар кўрилишини маълум қилган. Шундан кейин Туркия ташқи ишлар вазирлиги таътилда бўлган Нидерландия элчисининг Туркияга қайтишини номақбул деб эълон қилган. 2018 йил февралда эса Нидерландия Туркиядаги элчисини чақиртириб олган.