Фото: AP
22 июль Эрон ғарбидаги Кирманшоҳ вилоятида юз берган 5,9 магнитудали зилзила оқибатида камида 128 киши жабр кўрди.
Вилоят губернатори Хушанг Базванд жабрланувчиларга ёрдам кўрсатилганини маълум қилган. Зилзила оқибатида маҳаллий аҳоли уйларига шикаст етган.
Аввалроқ шу кун мамлакат жанубидаги Хурмузган вилоятида 4,7 ва 5,7 магнитудали иккита ер силкиниши қайд қилинган. Мамлакатнинг фавқулодда вазиятлар хизматлари бошлиғи вилоятга 15 та қутқарувчилар гуруҳи жўнатилганини маълум қилган.
