Artel совуткичларининг дизайнини янгилади

Олимларнинг таъкидлашича, кундалик турмушда эстетик ҳузур кўриб, гўзал буюмларни ишлатувчи инсонларнинг умри узоқроқ бўлади. Шу сабабли сўлим интерьер, ҳамда кўркам дизайнга эга бўлган маиший техникадан фойдаланиб, дилни қувонтириш саломатлик учун жуда ҳам муҳимдир.

Artel корхонасининг мутахассислари маиший техниканинг ташқи кўриниши роҳат бағишлайдиган даражада гўзал бўлиши учун, унинг дизайнини яхшилаш, сифатини ошириш йўлида тўхтовсиз тадқиқотлар олиб боради.
Ушбу тадқиқотларнинг натижаси сифатида Artel корхонаси 40 йиллик тажрибага эга Италиянинг QS Group корхонаси билан ҳамкорликда янги совуткичларни ишлаб чиқди.

Янги совуткичлар қизил, яшил, оқ, металлик ҳамда кулранг каби рангларда тақдим этилган. Фойдаланиш янада қулайроқ бўлиши учун, совуткичларнинг эшиги бошқа томонга очиладиган қилиб созлаш, ҳамда совуткич токчаларининг баландлигини ўзгартириш имконияти бор. Совуткичнинг токчалари тобланган шишадан ясалган ва оғир вазнларни кўтара олади. Айтиб ўтиш жоизки, Artel совуткичларида махсус озуқа пластиги, ҳамда озон қатламига зарар етказмайдиган экологик тоза R600 хладагенти ишлатилган.

Янги, икки камерали Artel совуткичлари катта оилалар учун аъло тўғри келади ва ҳатто бир хафталик озиқ-овқатни сақлаш имкониятига эга. Artel совуткичлари сўлим дизайнга эга, ҳамда ёрқин, кўркам рангларга бўялган. Artel совуткичларининг яна бир афзалликларидан бири, бу иссиқ давлатлар иқлимига тўлиқ мослаштирилганидир. Artel совуткичлари – маиший техника дунёсида ҳақиқий эстетик завқни ҳис этинг.

Artel корхонаси ўз маҳсулотларига уч йил тўлиқ бепул кафолат беради. Сотиб олинган маҳсулотни кафолат бўйича таъмирлаш ёки эҳтиёт қисмини алмаштириш учун Ўзбекистон республикаси бўйлаб фаолият кўрсатаётган 33 дан ортиқ сервис марказидан бирига мурожаат қилинг.