Торонтодаги отишма ҳақида янги маълумот берилди, ҳалок бўлганлар бор

Канаданинг Торонто шаҳрида юз берган отишма оқибатида бир киши ҳалок бўлди, яна 13 инсон жароҳат олди. Бу ҳақда CBC News хабар қилмоқда.

Барча жабрланувчилар шифохоналарга олиб кетилди. Полициянинг тасдиқлашича, улар орасида бўлган ёш қиз ўта оғир аҳволда қолмоқда.

Ўқ узган шахс полициячилар билан отишма натижасида ўлдирилган. Зобитлар орасида ҳеч ким жароҳат олмагани айтиляпти.

Полиция вакили Марк Ругашнинг сўзларига кўра, ҳозирги вақтда рўй берган ҳодиса терроризм билан боғлиқ эканига доир аниқ далил йўқ.

Эслатиб ўтамиз, аввалроқ Торонтода отишма юз бергани хабар қилинганди.