«Эҳтиёт бўлинг». Зариф Трампга жавоб қайтарди

Эрон ташқи сиёсат идораси раҳбари Муҳаммад Жавод Зариф Қўшма Штатлар президенти Дональд Трампнинг Теҳронга қарата айтган сўзлари бўйича ўз изоҳини берди. У бу ҳақда твиттердаги саҳифасида ёзган.

Зарифнинг сўзларига кўра, эрондагилар 40 йилдан бери турли таҳдидларни эшитиб келади, уларнинг аввалгилари «анча маданиятли» кўринишда эди.

«Таассурот уйғотмади. Жаҳон бундан ҳам кескин асоссиз таҳдидларни эшитган», - дея маълум қилди Зариф.

Унинг қўшимча қилишича, Эрон халқи минг йиллардан бери бор ва ёши баъзи давлатлардан ҳам катта бўлган империялар қулашига гувоҳ бўлган.

«Эҳтиёт бўлинг», - дея хулоса қилган Зариф.

Эслатиб ўтамиз, аввалроқ Трамп Эронни огоҳлантиргани хабар берилганди.