Ўзбекистон билан савдо ҳажми энг юқори мамлакатлар ўнталиги эълон қилинди 

Ўзбекистон Республикаси Ташқи савдо вазирлиги 2018 йил биринчи ярмида Ўзбекистон билан савдо ҳажми энг юқори мамлакатлар ўнталигини эълон қилди.

Унда биринчи ўринни Россия эгаллади. Ушбу давлат билан савдо айланмаси 2 826 млн долларга, экспорт - 1 022 млн доллар, импорт - 1 813 млн долларга тенг бўлди. Бу мамлакатнинг умумий савдо айланмасидаги улуши - 16%.

Кейин Хитой бормоқда: савдо айланмаси - 2 811 млн доллар, экспорт - 1 304 млн доллар, импорт - 1 506 млн доллар. Умумий савдо айланмасидаги улуши - 15,9%.

Учинчи Қозоғистон: савдо айланмаси - 1 436 млн доллар, экспорт - 701, импорт - 735. Умумий савдо айланмасидаги улуши - 8,1%.

Кейинги поғоналардан Туркия, Корея, Афғонистон, Германия, АҚШ, Латвия ва Беларусь жой олди.

Маълумот учун, 2017 йил январь-июнь ойларида савдо айланмаси – 12,044 млн доллар, 2018 йил январь-июнь ойларида савдо айланмаси – 17685,3 млн долларга тенг бўлган. 2017 йил январь-май ойларида экспорт ҳажми – 5 945,8 млн доллар ва 2018 йил январь-май ойларида экспорт ҳажми – 7 793,4 млн долларни ташкил қилди.