Фото: РИА Новости
Арманистонда конституцион тузумни ағдаришда айбланаётган ва гаров эвазига озод қилинган Коллектив хавфсизлик шартномаси ташкилоти (КХШТ)нинг бош котиби Юрий Хачатуров республикани тарк этгани йўқ, деб маълум қилди унинг адвокати Мигран Погосян.
"Айни пайтда Хачатуров Арманистонда", — деди Погосян.
У ҳозирча суд қарорига норозилик билдириш борасида якуний қарорга келинмаганини билдирди.
Аввалроқ Арманистон махсус тергов хизмати КХШТ бош котибига 2008 йил 1 мартдаги норозилик намойишларини бостириш бўйича жиноий иш доирасида конституцион тузумни ағдариш айбловини эълон қилганди.
