Тошкентда “Матиз” ва “Нексия” тўқнашди, икки ҳайдовчи ҳам ҳалок бўлди

Иллюстратив фото

Тошкент шаҳрининг Олмазор туманида мудҳиш йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

30 июль куни Абдураҳмонов кўчасида яшаган М.М. ўзининг “Матиз” русумли автомашинасини Чимбой кўчасида ҳайдаб кетаётиб, қарама-қарши йўналишда ҳаракатланиб келаётган Э.У. бошқарувидаги “Нексия” русумли автомашина билан тўқнашув содир этган.

Натижада иккала ҳайдовчи ҳам жароҳат олиб, касалхонага олиб келинаётган вақтида ҳалок бўлганлар.