Канадада ўткинчиларга машинасида сув сачратган ходим ишдан бўшатилди

Канаданинг Black&McDonald қурилиш компанияси ўз ходимини 27 июль куни автомобиль видеорегистраторида ёзилган лавҳа интернетда тарқалиб кетганидан сўнг ишдан бўшатди. Унда компания ходими бошқарувидаги Ford Transit фургони Оттава кўчаларида кўлмакларни босиб йўл четидаги йўловчиларга сув сачратгани акс этган.

Ҳайдовчининг бу иши билан полиция қизиқиб қолди ва у одамларга ҳужум қилишда айбланиши мумкинлигини билдирди. Полиция шунингдек, Black&McDonald компаниясига ходимнинг кимлигини маълум қилиш талабини қўйди.

29 июль куни компания вакиллари видеолавҳа қаҳрамони ишдан бўшатилганини ва қилган хатти-ҳаракатидан жабрланган барча кишилардан узр сўраганини маълум қилди.