Асосий дори воситаларининг рўйхати кенгайтирилди
![](https://storage.kun.uz/source/3/kcR2ZjJ2lwT9U2U61aniKsQL_LXC8LlY.jpg)
Фото: Pixabay
Соғлиқни сақлаш вазирининг буйруғи билан янгиланган Асосий дори воситалари рўйхати тасдиқланди, деб ёзмоқда Norma.
Эслатиб ўтамиз, «Дори воситалари ва фармацевтика фаолияти тўғрисида»ги Қонуннинг 4-моддасига мувофиқ, давлат асосий дори воситалари, шунингдек тиббий буюмлар олиниши имкониятини ва уларнинг сифатини кафолатлайди.
Ўзбекистон Республикаси Соғлиқни сақлаш вазирлигининг асосий дори воситалари ва тиббий буюмлар рўйхатини тузиш бўйича йўриқномасининг 4-бандига мувофиқ эса мазкур рўйхат қуйидагилар учун ишлатилади:
• тиббиёт муассасалари эҳтиёжлари таҳлили;
• ДВни рационал харид қилиш ва тарқатиш;
• ДВга сарфланган харажатларнинг ўрнини қоплаш схемаларини ишлаб чиқиш;
• тиббиёт ходимларини ДВни тўғри ишлатишга ўқитиш;
• асосий дори воситаларини миллий фармацевтик корхоналар томонидан ишлаб чиқаришни жадаллаштириш;
• асосий дори воситалари ва нархлар боғлиқлиги бўйича мониторинг олиб бориш;
• мурувват ва бошқар турдаги ёрдам кўрсатиш учун тузилган дори воситалари рўйхати тўғрилигини баҳолаш;
• самарасиз дори воситаларини айланмадан чиқариб ташлаш;
• тобора фаол ва безарар ДВни қўллаш йўли билан харажатларни камайтиришга эришиш.
Қабул қилинган ҳужжат аввалгисидан салмоқлироқ. Эски рўйхат 328 та позициядан иборат бўлган. Янгисидан эса 820 та позиция ўрин олган. Бундан ташқари, дори воситалари 3 турга бўлинган:
• умумий асосий дори воситалари;
• вояга етмаганлар учун мўлжалланган асосий дори воситалари;
• доривор ўсимликлар сақловчи дори воситалари.
Ҳужжат 30.07.2018 йилдан кучга кирди.
Мавзуга оид
![](https://storage.kun.uz/source/thumbnails/_medium/10/MGW_31fa4S9g5cPq5BNYKmf4GCk6FUyc_medium.jpg)
15:39 / 01.06.2024
Дориларни давлат рўйхатидан ўтказиш тартибига ўзгартириш киритилди
![](https://storage.kun.uz/source/thumbnails/_medium/10/L3YZ7qSDKh3YhGNBkSdCQbmxaJnYt3Ow_medium.jpg)
16:00 / 30.05.2024
Хоразмда “шикоятчи фуқаролар” рўйхати тузилди. Бундай таъқиб учун жавобгарлик бор
![](https://storage.kun.uz/source/thumbnails/_medium/10/mXbqF8OsI7Hqa-1pGQb-t8o-ld6pvfEP_medium.jpg)
08:26 / 14.05.2024
Кўчмас мулкка бўлган ҳуқуқни давлат рўйхатидан ўтказишда етакчи ҳудуд маълум бўлди
![](https://storage.kun.uz/source/thumbnails/_medium/10/t_ab8zuka6ueGfGjX7vr2que_rnHv2mj_medium.jpg)
08:23 / 03.02.2024