Тошкентда 13 минг долларни ўғирлаган шахс аниқланди

Тошкент шаҳрининг Учтепа туманида жиноят содир бўлди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 2017 йилнинг 12 декабр куни номаълум шахс А.Х.нинг уйига девор ошиш йўли билан кириб, хонасидан 13 минг АҚШ доллари ва заргарлик буюмларини ўғирлаб кетган.

Кўрилган чоралар натижасида ушбу жиноятни Бухоро вилояти Қоракўл туманида яшовчи Ш.М. содир этганлиги аниқланиб ушланган.