ОКМК футзал клуби Осиё чемпионати гуруҳ босқичидан ўтолмади

Индонезиянинг Жогякарта шаҳрида футзал бўйича клублар ўртасидаги Осиё чемпионати давом этмоқда.

D гуруҳида юртимиз шарафини ҳимоя қилаётган Олмалиқнинг ОКМК клуби турнирни муваффақиятсиз якунлайдиган бўлди.

Дастлабки турда Ливаннинг «Банк оф Байрут» клубига 1:4 ҳисобида имкониятни бой берган олмалиқликлар 2-турда Эроннинг «Мис Сунгун» клубига 1:9 ҳисобида ютқазиб, гуруҳдан чиқиш имкониятидан маҳрум бўлишди. Эрон ва Ливан клуби эса чоракфиналга йўл олишди. 

Энди 3-турда ОКМК Тожикистоннинг «Сипор» клуби билан гуруҳдаги 3-ўрин учун беллашади.

Футзал клублари ўртасидаги Осиё чемпионати
Индонезия, Жогякарта

D гуруҳи
2 август
Мис Сунгун (Эрон) - Сипор (Тожикистон) - 9:2
Банк оф Байрут (Ливан) - ОКМК (Ўзбекистон) - 4:1

4 август
ОКМК (Ўзбекистон) - Мис Сунгун (Эрон) - 1:9 
Сипор (Тожикистон) - Банк оф Байрут (Ливан) - 2:11

6 август
Мис Сунгун (Эрон) - Банк оф Байрут (Ливан) 
ОКМК (Ўзбекистон) - Сипор (Тожикистон)