Абэ Ким Чен Ин билан шахсан учрашишни хоҳлаяпти

Япония бош вазири Синдзо Абэ КХДР етакчиси Ким Чен Ин билан шахсий учрашув ҳақидаги ғояни қўллаб-қувватлади, у ядровий қуролсизланиш муаммосини ҳал қилишга ёрдам беради. Бу ҳақда Kyodo хабар қилмоқда.

Абэнинг сўзларига кўра, ҳозирги вақтда Шимолий Корея билан дипломатик муносабатларда турғунлик давом этмоқда.

«Мен Ким Чен Ин билан учрашишим, у билан мулоқот қилишим, ядро ва ракета масалаларига ечим топишим керак», - дея айтиб ўтди Абэ.

Унинг қўшимча қилишича, бу учрашув Япония ва Шимолий Корея ўртасидаги янги муносабатларни бошлаб беради.

Эслатиб ўтамиз, аввалроқ КХДР бўйича янги маълумотлар эълон қилинганди.