Tesla акциядорлари Илон Маскни судга беришди

Электр автомобиллар ишлаб чиқарувчи Tesla компаниясининг акциядорлари гуруҳи компания асосчиси ва бош директори Илона Маскни судга берди. Бунга унинг компанияни эҳтимолий сотиб олиши ҳақидаги твити сабаб бўлган, деб ёзмоқда Bloomberg.

Сан-Францискодаги федерал судга мурожаат қилган даъвогарларнинг фикрича, Маскнинг твитлари серияси сабабли улар йўқотишларга учради. Хусусан, 7 август куни, Tesla бош директори ўзининг твиттердаги саҳифасида компаниянинг барча акцияларини сотиб олиши имконияти борлиги ҳақида ёзган. Бу пост туфайли Tesla’нинг биржадаги котировкалари 6,5%га кўтарилиб, ҳар бир акция учун 363,4 АҚШ долларини ташкил этди.

Даъвогарларнинг фикрича, Маск ўз твитлари билан қимматли қоғозлар тўғрисидаги қонунни бузди. Шунингдек, жабрланувчи томоннинг қайд этишича, нархларнинг кескин кўтарилиши баъзи акциядорлар зарар кўришига олиб келди.

Эслатиб ўтамиз, аввалроқ Twitter Илон Маск номи остида рўйхатдан ўтишни тақиқлаганди.