Twitter Ilon Mask nomi ostida ro‘yxatdan o‘tishni taqiqladi

Twitter platformasi yaqinda o‘z nomini «Ilon Mask» etib o‘zgartirgan barcha akkauntlarni bloklay boshladi. Bu haqda The Verge xabar qilmoqda.

Bunday chora go‘yoki o‘z bitkoinlarini tekin tarqatayotgan milliarder nomidan foydalanayotgan firibgarlar bilan kurash doirasida qabul qilindi. Bunday akkauntlarga Mask nomi berilgan va ular asl sahifaga juda o‘xshashdir.

Agarda akkaunt egasi bir qancha muddat davomida Mask bo‘lishni istab qolsa, uning Twitter’dagi sahifasi bloklanadi, pochta manziliga esa shaxsni tasdiqlash iltimosi bo‘lgan xabar keladi. Sahifa kerakli ma'lumotlar taqdim etilgach, qayta ochiladi.