Сирдарёда “Кобальт”нинг “МАN” орқа қисмига урилиши натижасида 2 киши ҳалок бўлди

Иллюстратив фото/tengrinews.kz

Сирдарё вилоятининг Сардоба туманида мудҳиш йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

11 август куни Жиззах шаҳар “Ўратепа” МФЙда яшаган И.Э. ўзининг “Кобальт” русумли автомашинасини “Отаюрт” МФЙ ҳудудидан ўтувчи М-39 автомобиль йўлининг 937-км.да ҳайдаб кетаётиб, ўзидан олдинда ҳаракатланиб кетаётган В.И. бошқарувидаги “MAN” русумли юк автомашинасининг орқа қисмига урилиб йўл-транспорт ҳодисасини содир этган.

Натижада “Кобальт” автомашинаси ҳайдовчиси, И.Э. жароҳат олиб воқеа жойида ҳалок бўлган. Унинг 3 нафар йўловчилари касалхонага ётқизилган аммо кўрсатилган тиббий муолажаларга қарамай улардан бири Жиззах шаҳрида яшаган Ш.М. вафот этган.