Фото: Хоразмда автомобиль кўприги қулаб тушди

Фото: Facebook

Хоразм вилоятида юк машинаси ҳаракатланаётган вақтда автомобиль кўпригининг бир қисми қулаб тушган. Ижтимоий тармоқларда Хонқа тумани Қорақош қишлоғи Мустақиллик маҳалласида рўй берган ҳодиса тасвири тарқалди.

Ҳодиса 14 август куни содир бўлган. Йўлида пайдо бўлган улкан ўрага юк машинаси билан қулаб тушган ҳайдовчи айни вақтда жароҳатланган ҳолда шифохонага ётқизилган.

Ҳозирча ҳодисанинг бошқа тафсилотлари маълум эмас.