Туркия ўзига янги иттифоқчи топди
Туркия мамлакатда юзага келган валюта инқирози ортидан ўзига янги иттифоқчи топди. Туркия президенти Ражаб Тоййип Эрдўғаннинг матбуот хизмати хабар беришича, Қатар Анқарага 15 миллиард доллар миқдорида инвестиция йўналтиришга ваъда берган.
Туркия раҳбари билан учрашувда Қатар амири Тамим бин Хамад Ал Тани турк иқтисодиётига 15 миллиард долларлик инвестиция киритиш нияти ҳақида маълум қилган. Мазкур хабар борасидаги қўшимча тафсилотлар маълум қилинмаган.
2017 йил июнда Саудия Арабистони, Миср, Баҳрайн ва БАА Қатарни террорчиликни қўллаб-қувватлашда айблаб, у билан дипломатик алоқаларни узишини маълум қилганди. Кейинроқ улар муносабатларни тиклаш учун ўз шартларини маълум қилишди. Шартлардан бирига кўра, Доҳа ўз ҳудудидан Туркия ҳарбий базасини чиқариб юбориши лозим эди. Анқара буни Туркияга нисбатан ҳурматсизлик деб атаганди.
Мавзуга оид
15:30 / 21.09.2024
Москва Россия бозорини тарк этган хорижликлар учун тўловни оширмоқчи
10:40 / 13.09.2024
Қатар ўзбекистонлик талабалар учун таълим грантлари сонини кўпайтириши мумкин
12:16 / 10.09.2024
Саида Мирзиёева Қатарга ташриф буюрди
22:19 / 28.08.2024