Қозоғистонлик 3 кун ичида 43 метрлик шарф тўқиди

Қозоғистоннинг Олмаота вилояти, Райимбек туманида яшовчи Нурлан Жартибеков 3 кун, яъни 72 соат ичида эни 30 см, узунлиги 43 метр келадиган шарф тўқиди.

Қозоғистон рекордлар китобига рекордларни қайд қилиш департаменти директори Бакитжан Тастулеков Нурланга Қозоғистон рекордлар китоби — КинЭС-2018’га 72 соат давомида тинимсиз тўқиган киши сифатида киритилгани ҳақидаги сертификатни топширган.

“Ота-онамнинг айтишича, мен 5 ёшимдан бошлаб тўқийман. Кўпчиликка бу эркаклар иши эмасдек туюлиши мумкин, бироқ асосийси бу менга ёқади. Мен аввалроқ кўзи юмуқ ҳолда тўқиш бўйича Қозоғистон рекордини ўрнатгандим, энди эса 3 кун тўхтовсиз тўқиб, яна бир рекордни ўрнатдим”, деб айтган Жартибеков.

Рекордчи аввалроқ Бразилияда ўрнатилган жаҳон рекордини янгилаган бўлиши ҳам мумкинлиги айтилмоқда. Унга кўра, бразилиялик эркак 64 соат давомида тўхтовсиз тўқиган.