ИИББ: Безориликда гумон қилинган шахслардан бири ушланди

Тошкент шаҳар ИИББ безориликда гумон қилинган шахслардан бири ушлангани ҳақида хабар берди.

Қайд этилишича, «Спарк» ва «Жигули»даги шахслар ўртасидаги ҳодиса бўйича қидирувга берилган шахслардан бири – 31 ёшли Бекзод Нуритдинов қўлга олинди. 1991 йилда туғилган Шоҳруҳ Жўраевни қидирув ишлари давом этмоқда.

«Ҳурматли ҳамшаҳарлар! Агар ушбу шахс ҳақидаги маълумотга эга бўлсангиз 102 шошилинч рақами ёки 272-98-39, 231-95-13, 362-51-14 телефон рақамларига қўнғироқ қилишингизни сўраймиз. Маълумот эгасининг шахси сир сақланиши кафолатланади», - дейилади хабарда.

Нуритдинов Бекзод Пахритдинович, 1987 йилда туғилган

Олмазор туманида яшовчи Жўраев Шохруҳ Қобил ўғли, 1991 йилда туғилган.

Эслатиб ўтамиз, бундан аввал Интернетда тарқалган видеодаги воқеанинг асосий иштирокчилари бўлган 2 шахс қидирилаётгани хабар қилинганди.