Юнон-рум кураши. Ассакалов ва Абдуллаев финалга чиқди
Индонезиядаги Осиё ўйинларида юнон-рум кураши бўйича баҳслар давом этмоқда.
Юнон-рум курашчиларимиздан Бислан Налгиев (-77кг) нимчорак финалда индонезиялик Сулаеман Андикани 9:0 ҳисобида мағлуб этди. Рустам Ассакалов (-87кг) нимчорак финалда қозоғистонлик Азамат Кустубаевни 2:1 ҳисобида таслим этган бўлса, Мўминжон Абдуллаев (-130кг) Жанубий Корея вакили Ким Минни 7:0 ҳисобида тор-мор келтирди.
Юнон-рум кураши бўйича баҳсларда иштирок этган Жаҳонгир Турдиев (-97кг) хитойлик Хао Дига 0:4 ҳисобида ютқазиб қўйди.
Билан Налгиев кейинги босқичда қирғизистонлик Акжал Маҳмудовга қарши баҳсда 4:6 ҳисобида ютқазиб қўйди.
Рустам Ассакалов эса қирғизистонлик Самат Ширдаковни 9:0 ҳисобида мағлуб этди ва ярим финалга йўл олди.
Мўминжон Абдуллаев тожикистонлик Суҳрож Азизовни 9:0 ҳисобида муддатидан олдин мағлуб этди.
Рустам Ассакалов ярим финалда ҳиндистонлик Сингҳ Ҳарпретни 10:0 ҳисобида мағлуб этиб, финал йўлланмасини қўлга киритди. Олтин медаль учун у эронлик Ҳусайн Нурига қарши гиламга чиқади.
Мўминжон Абдуллаев ярим финалда эронлик рақиб билан куч синашди. Ушбу баҳсда ўзбекистонлик курашчи ғалаба қозониб, финалга йўлланмани қўлга киритди.
Мавзуга оид
15:02 / 20.08.2024
Австралия ва Индонезия мудофаа тўғрисида шартнома тузди
11:00 / 14.06.2024
Индонезиянинг Ўзбекистондаги элчиси Тошкентда вафот этди
18:14 / 10.06.2024
Индонезияда беш метрлик бўғма илон аёлни бутунлай ютиб юборди
10:51 / 11.03.2024