АҚШнинг Массачусетс штати пляжларидан бирида топилган уч метрлик катта оқ акула полицияларни ҳам, биологларни ҳам ўйлантириб қўйди: ушбу акула танасининг ярми қизил рангда бўлган. Бу ҳақда Fox News хабар берди.
Воқеа жойига келган полициячилар акуланинг нобуд бўлиши сабабини аниқлай олмагач, олимларни чақиртиришган. Олимлар акулани ёриб, унинг ошқозонида бир нечта қўрғошин юкчаларни топишган.
Бироқ бу акула терисининг ноодатий рангдалигига ойдинлик киритмаган. Биологлар акула танасининг пастки қисми ва тумшуғи қизил рангдалигининг сабабини тушунтириб бериша олмаган.
Акула териси ва ички органлари намуналари оқ акулаларни ўрганиш марказига топширилган. Олимлар вақти келиб бунинг сабабини аниқлашга умид қилишмоқда.
