Япония учар автомобиллар ишлаб чиқаришни режалаштирмоқда
Япония 2020 йилгача 20та йирик компания билан ҳамкорликда учар автомобилларни ишлаб чиқара бошлайди. Бу ҳақда Bloomberg нашри ёзмоқда.
Uber, Boeing, NEC, Toyota Motor, ANA, Japan Airlines ва Yamato компаниялари ушбу масала бўйича илк учрашувларини ўтказишади.
Парвоз қилувчи машиналардан табиий офатлар пайтида фойдаланилиши айтилмоқда. Мамлакат ҳукумати хорижда ҳам шу каби технологияларнинг фаол ривожланиши учун ушбу ғояни тезроқ амалга оширишга ҳаракат қилмоқда.
Бундан аввал хабар қилинганидек, Японияда учар автомобилларнинг тўлиқ миқёсдаги прототипини яратиш бўйича фаол ҳаракат олиб борилмоқда. Cartivator компанияси Тоyota Motors, NEC электротехник компанияси ва бошқа миллий корпорациялар билан ишлаяпти. Конструкторларнинг айтишича, машина 10 метр баландликда ва соатига 100 км тезликда ҳаракатлана олади. Транспорт воситаси электромобиль кўринишида бўлади.
Мавзуга оид
21:07 / 20.09.2024
Осиёда НАТОнинг ўхшаши ташкил этилиши мумкин
12:00 / 16.09.2024
76-«Эмми» маросими Япониянинг триумфи билан тугади
21:22 / 12.09.2024
Toyota Prius ёқилғи сарфи бўйича янги рекорд ўрнатди
11:35 / 11.09.2024