Миср президенти Осиё бўйлаб турне ўтказмоқда. У Ўзбекистонга ҳам келади

Фото: AFP

30 август куни Баҳрайнга келган Миср Араб Республикаси президенти Абдул Фаттоҳ ас-Сиси Манама шаҳрида қирол Ҳамад ибн Исо Ал-Халифа билан учрашди.

Шундай қилиб, Миср президентининг Осиё мамлакатларига расмий ташрифлари бошланди.

Миср президентининг матбуот котиби Бассам Роди тарқатган хабарга кўра, ас-Сиси Хитойда бўлиб ўтиши назарда тутилган «Хитой-Африка ҳамкорлиги форуми»да иштирок этиш учун Пекинга жўнаб кетган. Форум иш кунлари давомида у Хитой раҳбари Си Цзиньпинь билан учрашиши режалаштирилган.

Шундан сўнг, ас-Сиси ва Миср ҳукумати делегацияси Тошкентга ташриф буюриши кутилмоқда. Бу ас-Сисининг Ўзбекистонга биринчи ташрифи бўлади.