Молдавия президентининг авариядан кейинги ҳолати тўғрисида маълумот берилди

Молдавия президенти Игорь Додон Кишинёв-Калараш трассасида рўй берган йўл-транспорт ҳодисасидан кейин ўзини яхши ҳис қилмоқда. Бу ҳақда президент маслаҳатчиси Максим Лебединский фейсбукдаги саҳифасида маълум қилган.

«Президент Игорь Додон ўзини яхши ҳис қилмоқда, шифокорлар аралашуви талаб этилмади», — дея ёзган Лебединский.

Унинг сўзларига кўра, йўл-транспорт ҳодисасига ҳаракатланиш қоидаларини бузган ҳолда кортежга келиб урилган юк машинаси ҳайдовчиси сабабчи бўлган.

Айни вақтда президент шифохонада қолмоқда.

Ўз навбатида президентнинг онаси бу авариядан жиддий жабрланган.

«Йўл-транспорт ҳодисаси оқибатида президентнинг онаси жиддий жароҳат олган. Авария Страшени шаҳри яқинида рўй берди. Қарама-қарши йўналишда ҳаракатланган юк машинаси кортеж қаршисидан чиқиб келди. Бу автомобиль президентнинг ҳамда унинг қўриқчиларининг автомобилларига урилди. Давлат раҳбарининг ва қўриқчиларнинг автомобиллари ағдарилиб кетди», дейилган «Bloknot-Moldova» нашри хабарида.