Фото: Getty Images
«Реал» ҳимоячиси Марсело Испания солиқ қонунчилигини бузганликда айбдор деб топилди.
El Mundo хабарига кўра, бразилиялик футболчи тергов билан келишувга эришиб, ўз айбига иқрор бўлди ва 753 минг евро жарима тўлади. Бундан ташқари 4 ойлик қамоқ жазосини олди.
Испанияда иқтисодий қонунбузарликлар бўйича олинган 2 йилгача бўлган қамоқ жазоси шартли ҳисобланади ва бунда жиноятчи қамоққа олинмайди.
Аввалроқ, Примеранинг бир қанча футболчилари, жумладан Марселонинг собиқ жамоаси Криштиану Роналду ҳам тергов билан келишувга эришиб, катта миқдордаги жаримани тўлаган эдилар.
